«Արսենալը» ցանկանում է վարձակալել Անրիին եւ գնել եւս երկու հարձակվողի
30.11.2012, 23:19
«Արսենալը» ցանկանում է վարձակալել Անրիին եւ գնել եւս երկու հարձակվողի
«Արսենալի» գլխավոր մարզիչ Արսեն Վենգերը հայտարարել է, որ լոնդոնյան ակումբը ձմեռային տրանսֆերային պատուհանի ժամանակ մտադիր է գնել երկու ֆուտբոլիստների, ինչպես նաեւ վարձակալել «Նյու Յորք Ռեդ Բուլսի» հարձակվող Թիերի Անրիին, հայտնում է Daily Mail-ը:
Այո, մենք պատրաստում ենք առաջարկներ մի քանի ֆուտբոլիստների հետ կապված: Անուններ չեմ ցանկանում տալ: Ինչ վերաբերում է Անրիին, ապա նա ֆանտաստիկ ֆուտբոլիստ է, եւ բոլորը երազում են նման խաղացողի մասին: Վարձակալության տարբերակը հնարավոր է»,- ասել է Արսեն Վենգերը:
Նշենք, որ «Արսենալը» հետաքրքրվում է «Քրիսթալ Փելեսի» եւ «Շալկեի» ֆուտբոլիստներ Վիլֆրիդ Զահայի եւ Կլաս Յան Հունտելարի ծառայություններով: