Հայաստանը մտնում է այն երկրների առաջին տասնյակի մեջ, որտեղ «Օդնոկլասնիկի» կայքը մեծ տարածում ունի, փոխանցում է ՌԻԱ Նովոստի գործակալությունը` ներկայացնելով LiveInternet ծառայության վիճակագրական տվյալները:
Mail.Ru Group-ին պատկանող «Օդնոկլասնիկի» կայքի ռուս օգտատերերը կազմում են կայքի ամենաօրյա հաճախորդների 63,5 տոկոսը: Հետեւում է LiveInternet-ի վիճակագրական տվյալներից:
LiveInternet-ի տվյալներով, սեպտեմբերին «Օդնոկլասնիկի» կայք օրական միջին հաշվով հաճախել են 31 միլիոն օգտատերեր ողջ աշխարհից, որից 19,7 միլիոնը` Ռուսաստանից: Հաճախորդների մնացած մասը հիմնականում բաժանվում են ԱՊՀ երկրների միջեւ:
Ամենաշատ հաճականությամբ երկրների առաջին եռյակի մեջ մտնում են Ուկրաինան եւ Բելառուսը, որտեղ սոցիալական կայքից օրական օգտվում են համապատասխանաբար 3,4 եւ 1,1 միլիոն մարդ:
Այն երկրների տասնյակի մեջ, որտեղ առավելապես նշանավոր է «Օդնոկլասնիկը» , մտնում են նաեւ Ուզբեկստանը, Մոլդովան, Հայաստանը, Ղազախստանը, Վրաստանը եւ Ադրբեջանը: Սակայն այս երկրներում հաճականությունը չի գերազանցում օրական 1 միլիոն մարդու սահմանը, ինչը ավելին է քան Facebook-ի դեպքում: «Վկոնտակտե» սոցիալական ցանցը չի բացահայտում իր հաճականությունը ըստ առանձին երկրների: Ինչպես «Օդնոկլասնիկիի» ներկայացուցիչը հայտնել է Ռիա Նովոստիին, սոցիալական կայքը առաջատար է ԱՊՀ երկրների մեծ մասում (բացի Ռուսաստանից, Ուկրաինայից եւ Բելառուսից)` անցնելով «Վկոնտակտե»-ին եւ Facebook-ին: Օրինակ Հայաստանում «Օդնոկլասնիկիից» ամեն օր օգտվում է 675 հազար մարդ: Ընդ որում, նույն աղբյուրի համաձայն, այս երկրում «Վկոնտակե»-ի այցելությունը կազմում է 80 հազար մարդ, իսկ Facebook-ը` 150 հազար մարդ: Ընդհանուր առմամաբ, Հայաստանում, փորձագետների կարծիքով, կա մոտ 1,4 միլիոն ինտերնետ-օգտատեր:
|