Գլխավոր էջ » 2013 » Հունվար » 24 » Իսկ դուք գիտեք, թե ով է ստեղծել "ամանեղեն լվանալու" սարքը....
21:14
Իսկ դուք գիտեք, թե ով է ստեղծել "ամանեղեն լվանալու" սարքը....
Հավանաբար կարծում ես, որ ամանեղեն լվանալու սարքը հայտնաբերել է մի կին, որը տարիներ շարունակ ափսեներ է լվացրել, ժամանակ վատնել, ձեռքերի մաշկը փչացրել:Այո, սարքը կին է հորինել, սակայն ամանեղեն լվանալու սարքի հեղինակ Ժոզեֆինա Քոքրեյնն իրականում երբեք էլ ժամանակ չի հատկացրել ափսեներ լվանալուն: Նրան այն գյուտն անելուն <Մղեցին> իր ծառաները, քանի որ ամեն անգամ Ժոզեֆինայի կազմակերպած ճոխ ընթրիքներից հետո նա ահավոր լարվում էր, մինչև ծառաները զգուշությամբ լվանում էին տիրուհու շատ սիրելի ու թանկարժեք ճենապակյա սպասքը:
Քոքրեյնը սիրում էր զվարճանալ և փող ծախսել, բայց ահա ամուսնու մահից հետո /1883թ./ նա ահռելի պարտք <կուտակեց>: Թանկարժեք սպասքը վաճառելու փոխարեն նա որոշեց մի սարք պատրաստել, որը մի լավ և ապահով կլվանար այն: 1886-ին նա սարքը հայտնաբերելու արտոնագիր ստացավ: Ժոզեֆինան ասում էր, որ սարքը պատրաստելն այնքան դժվար չէր, որքան դրա վաճառքը խթանելը: Առաջին հերթին աման լվանալու սարքերը սկսեցին գնել հյուրանոցները` կարծելով, որ այսպես գումար կխնայեն և այլևս այդ ծառայության համար աշխատողներ չեն ունենա: Մեր օրերում արդեն ամանեղեն լվանալու ժամանակակից և կատարելագործված սարքեր կան շատ-շատերի տներում: