Գլխավոր էջ » 2012 » Դեկտեմբեր » 10 » Մանկական Եվրատեսիլ 2012-ում հաղթող ճանաչվեց "Ուկրանիան":::Հայաստանը երրորդն էր...
18:52
Մանկական Եվրատեսիլ 2012-ում հաղթող ճանաչվեց "Ուկրանիան":::Հայաստանը երրորդն էր...
Նիդերլանդների մայրաքաղաք Ամստերդամում ավարտվեց ''Մանկական Եվրատեսիլ-2012'' երգի մրցույթը: 138 միավորով հաղթող ճանաչվեց Ուկրաինայի մասնակից Անաստասիա Պետրիկը՝ ''Երկինք'' երգով: Երկրորդ հորիզոնականում են Վրաստանի մասնակիցները՝ 103 միավորով:
Երգի միջազգային այս մրցույթին Հայաստանը ներկայացնող ''Compass band''-ը գրավեց երրորդ տեղը՝ վաստակելով 98 միավոր:
Չորրորդ ու հինգերորդ հորիզոնականներում են հայտնվել համապատասխանաբար՝ Ռուսաստանն ու Բելգիան:
Նշենք, որ հաղթողի կարծիքով մրցույթի մասնակիցներից լավագույնը մեր երկրի ներկայացուցիչներն են:
Մրցույթն այս տարի հոբելյանական էր, քանի որ անց էր կացվում տասներորդ անգամ:
Հիշեցնենք, որ յուրաքանչյուր տարի մրցույթի քվեարկությունից ստացված հասույթն օգտագործվում է բարեգործական նպատակներով: Այս անգամ մրցույթի քվեարկությունից ստացված ողջ հասույթը կփոխանցվի ''Kids Rights'' կազմակերպությանը, որը զբաղվում է մանուկների իրավունքների պաշտպանությամբ: